شخابيط وكلام ممكن يكون مهم وممكن يكون فاضي ايا كان فهو كلام خارج من أعماقي
RSS

الاثنين، 31 ديسمبر 2012





صفحة جديدة في كتاب عمري انتظرها بشغف وكل ما أتمنى أن اقرأه فيها ألا تخيب أمالنا فيها



الجمعة، 9 نوفمبر 2012



 اكتملت معالم  سعادتي  بألواني المفضلة ... هدوء الليل .. رائحة المطر .. صوت كوكب الشرق .. احساسي  الصامت.. شريط زكرياتي .. قلمي الحر .. فنجان قهوتي .. وأنا بدونك .
لم أتخيل أن يكون غيابك هو  السبب في رونقها .. لم أرى نفسي بهذا القدر من الراحة , الأمل والسعادة .. ولم  يسبق لي أن رأيت تعابير وجهي الفاتنة في المرآة .
 أتعلم لقد أكتشفت أنني في مرآتي أجمل مني في مرآة عينيك بكثير .. أجمل من تعابير وجهي المختبئة في تفاصيل وجهك بكثير .. أجمل مني وأنا غارقة في حبك بكثير .
 لم أتخيل أنك أنت سبب نبرة الشجن في همسات صوتي الحزين .. ولم أتخيل أنني سأكتشف بعدك في صوتي نبرة الأمل السجين ..أتسائل كيف لم يطربني صوتي بهذا القدر قبل الآن ؟؟
لم أتخيل أنك أنت سبب ضياعي بين طيات كتاب العشق الكاذب .. لم أتخيل أنك سبب هروبي كل يوم لأمطار دروب العاشقين .. لم أتخيل أنك سبب  تساقط كلماتي مني واعتزال قلمي لعالمي الصغير .. أتسائل متى تعلم قلمي ذلك الاحساس الغزير ؟؟
لم أتخيل يوما أنني سأكون أنا وأنك ستضيع في أنا .. لم أتخيل يوما أنك ستلاحقني على محطات النسيان لتذكرني بما تسميه أنت الحب وأسميه أنا استغلال .
لم أتخيل يوما أنك ستأتيني منكسر القلب دامع العينين تقف على باب فؤادي تطلب منه الغفران .. لم أتخيل يوما أنك ستأتيني طوعا وكرها لتعيد عالمك الذي نسجته لك من شراييني وقطعتها أنت بما تسميه احتواء واسميه أنا احتلال .
لم أتخيل  يوما أنك ستعترف لكبريائي بخطأك .. لم أتخيل يوما أنك ستتخلى عن أحلامك , حياتك , سعادتك من أجل من همشتها على قائمة أولوياتك . 
لم أتخيل أنك ستأتيني يوما طالبا أن تلعب دوري وألعب دورك بإتقان .. لم أتخيل يوما أنك ستأتيني طالبا مني الحياة .. ولكن كيف لي أن أوهبك الحياة وقد كنت أنت لي الحياة فشردتني على طرقاتها ؟؟ 
كيف  لي أن أوهبك الحياة وقد كنت أنت لي الحياة فحفرت لي قبري في قلبك ؟؟ كيف لي أن أوهبك الحياة وقد كنت أنت لي الحياة فسلبتني مني إليك وسلبتني منك إلى الضياع ؟؟
كيف لي أن أوهبك الحياة وقد كنت أنت لي الحياة وقد منعت عني الهواء فسُلبت مني الحياة ؟؟ كيف لي أن أوهبك الحياة وقد كنت لي أنت الحياة فصفعتني صفعة الموت فتمنيت أن أهرب من فناء حياتك لأي حياة ؟؟
قل لي كيف  أوهبك الحياة وقد أصبحت أنت الموت الذي أخشاه ؟؟ قل كيف أعود لطريق ما عرفت يوما منتهاه ؟؟
قل لي كيف تتهم حبي لك بالحب الكاذب وأنت من كنت وحيدة على درب حبه عابر سبيل يبحث عن الحب في عينيه وأبدا في دربه لم ألقاه .
قل لي كيف تتهم اقلاعي عن حبك بالخيانة وأنت في حياتي الذنب الذي أبكيه على سجادتي طالبة من الله أن يمحوه من صحيفتي وأن أنساه .. وهل بعد التوبة عزوف عنها وعودة لخطيئة قلبي في الحياة ؟؟
قل لي هل بعد أن خُيرت بين  الموت والحياة أن أستقيل الحياة لأجل موتي بين طيات فؤادك الذي تهواه ؟؟
عذرا سيدي فلقد اعتزلت ذلك الموت لتلك الحياة .. ولم تعد يرق لي أنك مازلت تطاردتني في تلك الحياة لتعيدني لذلك الموت الذي ما عدت أعمل خيرا تشوقا للقياه .
 
 
رفقا يا مطر بمن ليس بينهم وبين السماء غطاء !!
رفقا يا مطر بمن ليس لرؤوسهم منك احتماء !!
رفقا يا مطر بمن ليس لأجسادهم واق من برد الشتاء !!

الثلاثاء، 30 أكتوبر 2012



هو ولد رسام بيقعد عالشط يكتبلها من قلبه كلام تيجي موجة البحر تمسحه يضحك ويقول أحلام
هي بنت رقيقة كل يوم تمشي عالشط والموجة تلاعبها تدور وشها للبحر تلاقي حدوده بعيده تبتسم وتقول أوهام
الموجة حاولت كتير تحضن رسايله توصلهالها والبحر عارف اسراره واسرارها وعارف ان هي في قلبه وهو اختيارها
الموجة في يوم زعلت منه بعدت عنه والبحر سحبها لجوة كأنه بيقله يبص وراه على واحدة فيها شبه منه 
قعد في مكانه ورسم رسمته وبص للموجة ووشوشها تاخد بالها من احلامه الي بعيده عنه ومن حبيبته الي من خياله رسمها
ومشت هي وابتسامتها الرقيقة  هربت منها مش عارفة تسلم على موجتها وخايفة تقرب منها تزقها و تبعدها
شافت رسمه الي عجبها وحست قلبه الي رسمها وشافت حلمه في أحلامها ولقت في رسمته حاجة ناقصة قعدت تكملها 
احساس غريب خَوِفه على حلمه لحد تاني  يمسحه وموجته متكنش حضنته, جرى يطمن على رسمته لقاها قاعدة بترسمه
وفي نظرة غرقتهم في بحر سكوت طويل اعترف كل منهم بان احلامه مش مستحيل حضنتهم الموجة بفرحة وكأنها بتقلهم ان كل واحد منهم للتاني الحلم الجميل 
وقف كل واحد منهم عالرسمة الي التاني رسمها واللوحة الموجة سابتها تعلن اكتمالها وعاهدوا بعض على اختيار الوانها 
شاف في عنيها احلامه وشافت في عنيه ايامها ومشوا في طريقهم تكمل حياته ويكون هو الهامها 
وعاشوا سوى على حلم اترسم عالرملة بس كان في قلوبهم نقش بالحنة


الأربعاء، 24 أكتوبر 2012





اشتهي  شتاءً يعطرني برذاذ المطر ودفئا يحتضن أحزاني في ليل بارد واحلاما تنفيني إلى عالم آخر في فنجان قهوة 



 

الاثنين، 8 أكتوبر 2012


مَا اصْعَب لحظات الحنين التي تعبر بنا في أمواج الماضي لِتَرْسو بنا على شاطئ غريب نَفْقِد فيه ذَواتنا وأحلامنا ولا نَتَعرف فيه إلا على أشخاص قُطعت بيننا وبينهم سُبل الوصل منذ زمن بعيد ولم يبقى لنا معهم إلا حنين قاتل يَكوي أضلُع ابتسامة الحاضر الحزينة ويمحي ملامح وليد الغَد المُشرِق ..

الاثنين، 1 أكتوبر 2012

 
 
دور جواك عن حاجات انت ناسيها ... هتلاقي نفسك من غير تفكير بتبتسم ... لانك لقيت جواك واحد كنت ناسيه من زماان قووي ... قوم اقف قدام المراية واحضنه ... متسألوش كان فين ... وغاب ليه ... واسئلة كتيرة ملهاش لازمة ... مش مطلوب منه اجابة ... بس مطلوب منك انك تحافظ عليه ومتضيعوش منك تاني .

الأحد، 30 سبتمبر 2012




صباح مشرق ... غرفتي المرتبة ...ستائري المعلقة ... خزانة ملابسي ... سجادة صلاتي ...وسريري الذي يحتضنني بقسوة ...وكتاب لم ينتهي بعد.

 يوم جديد ... صوت عصفور يُذَكِرني بوعد أمس ... وعد بكسر الروتين .

شمس دافئة تحتضن أطرافي المجمدة من البرد ... شوارع تعج بالضجيج ... طرقات صامتة من الاحساسيس .. نفس الأشخاص .. عمل روتيني ... ضغوط كثيرة ... نهار آخر مضى .

ليل سرمدي ... قمر غائب ... حلم يراودني ... نفس تهمس لي .. بوعد أمس ... معطفي ... ساعتي .. مفاتيحي .. محفظتي ... واصراري .

نجوم مختبئة ... سحب متراكمة ... يوم ممطر ... نفس الشوارع ... نفس الطرقات ... أوراق الشجر المتطايرة ... مقهى في آخر دربي ... مقعد فارغ ... زجاج كشاشة الحياة... في مكان لم اعتد المرور به .

أناس لا أعرفهم ... همس يزعج أطراف المكان ... نظراتي تبحث عن الغريب ... أفكار تتزاحم ... كلمات تهرب ... لسان يتلعثم ...من قبل مناظرة الشخص الغريب .

رواد المقهى ... أقدام ترحل ... نفوس تهوى ... ولا أجد الشخص الغريب ... بسمة يأس ... صوت سخرية ... تأنيب ضمير .. كلمات جارحة للقلب الحزين .

زائر يدخل ... مقهى مزدحم ...أمل يولد ... طاولة لي ... وللشخص الغريب ... ينظر لي ... انظر لفنجاني ... يتصفح كتابه ... أتصفح أحزاني .

كلمات تعارف ... حديث يطول ... أسرار تسقط .. في جعبة الشخص الغريب.

وقت يمضي ... ليل يرحل ... وأنا برفقة الشخص الغريب .

مقهى فارغ ... ساعات تسرق ...كلمات وداع ... نفس تهدأ ... قلب يصفى ... أمل يطغى ... ابتسامة ترسم ...عين ستشتاق للشخص الغريب .

مطر يمنع رؤية آثار أقدام الشخص الغريب ... شارع أعرفه ... طريق يقصر ... بيت هادئ ... نفس صافية ... أوجاع حُمِلَت .. على اكتاف الشخص الغريب .

نوم عميق ..أحلام طفولة .. في الدرب العتيق ... والشخص الغريب .

يوم جديد ... أمل جديد ... حلم جديد ... واختفاء آخر للشخص الغريب .


يجرفني اشتياقي لفنجان قهوة .. مدفأة .. كتاب .. قطرات مطر دافئة .. مقطوعة موسيقية .. كرسي هزاز ..اضاءة خافتة ...وأنا
  


الثلاثاء، 25 سبتمبر 2012



غمض عينك عن عيوب الناس عشان يغمضوا عيونهم عن عيوبك
متحتقرش حد بذنب انت مبتعملوش لان في ذنوب كتيير سحراك وانت مش واخد بالك
متسيبش ايد واحد عاوز يتوب ومش عارف دوس على ايده وقله انا معاك
متسيبش واحد عاوز يصلح من نفسه احضنه اديله ثقة في نفسه

متتخلاش عن دورك في الحياة اتجاه الناس وتنسى تنصحهم وتقول مبيسمعوش
ادي لنفسك النصيحة الاول باسلوبك وشوف نفسك سمعت كلامك ولا لا

مش كل واحد خرج من حياتك عشان هو مقدركش احتمال كبير تكون انت الي مقدرتوش
مش كل واحد جرجك وحش في ناس كتير حبهم لينا اكبر من انهم يضحكولك وانت مغشوش

متزعلش من واحد أئتمنتوا على سرك ومحفظش عليه لان انت زيه وقلته ليه
متديش ضهرك لحد لمجرد انك حاسس انك مبتاخدش منه حاجة وافضل اديه
لان اكيد مبقاش قادر يدي من كتر الايدين المحتاجة الي اتمدت ليه

متحكمش على حد من الي عمله قبل متحكم عليه من الي انت عملته فيه

السبت، 1 سبتمبر 2012

قبل رحيلك



قبل رحيلك .... علمني
                                  كيف أزيل بقايا عطرك من أنفاسي ؟؟
                                 كيف أصلي ولا تكون أولى دعواتي لك ؟؟
                                 كبف أغفو دون أن اسمع نبضات قلبك ؟؟
                                 كيف أنظر لمرآتي وأنت لست خلفي ؟؟
                                 كيف أختار ثوبي دون لونك المضل ؟؟
                                 كيف أشعر بالأمان دون صوتك ؟؟
                                 كيف أطعم طيري دون كفك ؟؟
                                 كيف أحيا دون حبك ؟؟

قبل رحيلك .... لا تنس أن تعرف مني مكان 
                         نظاراتك !!
                            ربطة عنقك !!
                           دواء آلامك!!
                             مكان أقلامك !!
                              هواتف رفاقك !!
                              دفتر أسرارك !!
                              فرشاة أسنانك !!
                               حقيبة وأوراقك !! 
                             وأخيرا حذائك !!
                                                        

قبل رحيلك سجل 
                           جدول أعمالك !!
                           معاد نومك !!
                          تاريخ ميلادك!!
                         رقم طبيبك !!
                         ذكرى والداك !!
                         سنين عمرك !!
                         وقطع السكر !! 

قبل رحيلك ... عدني أنك لن تندم على أيا من

                                                  أنا !
                                                  نحن!


قبل رحيلك ... عرفها على 
                                  كرسي الهزاز !!
                                  فنجان قهوتي !!
                                  مرآتي المعلقة !!
                                  صندوق ذكرياتي !!
                                   سجادتي!!
                                   وسائدي !!
                                  فستان زفافي !!
                                 غرفة أطفالي !!
                           
قبل رحيلك .... علمها
                             طباعك !!
                             عاداتك !!
                             ابتسامتك !!
                            حزنك !!
                            ألمك !!
                            مرضك !!
                            غضبك !!
                            رضاك !!
                          ونزواتك !!
                            
                     
قبل رحيلك ... أخبرها كيف كنت 
                                         أنت وأنت أنا !!
                                      و أنت وأنت نحن !!

قبل رحيلك .. تذكر معي
                                    لقائك بي !!
                                   زواجك مني !!
                                   طفلك مني !!
                                   ابتسامتك معي !!
                                  دموعك على كتفي !!
                                   صلاتي خلفك !!
                                   دعواتي لك !!
                                  عمري معك !!
                                  فراقي لك !!
 
                                 

فان استطعت الرحيل بعدها فارحل
                       
                      
                                                 

                                                        
                                                   
                           



لما يبعدوا عنك حاول متقفلش الباب خليه موارب .. عشان احتمال كبير يكون السبب منك مش منهم


الجمعة، 31 أغسطس 2012







مش عشان اسلوب حياتي مش عاجب الناس يبقى انا غلط .. ياما كتير الصح كان هو أكبر غلط



الأربعاء، 22 أغسطس 2012

حدوتة سنة في جامعة الحياة

قبل مقرر اكتب الكلام ده كان جوايا صراع عجيب وحاجة بتشدني ان انا لازم اكتب الي جوايا مهما كان ملخبط ومش مترتب ومش بصيغة تتقرأ , حاجة بتقلي سجلي احساسك في الوقت ده وسجلي كل حاجة اتعلمتيها في الفترة دي عشان بعد كده كل اما تيجي تقعي في نفس الغلط تفتكري كويس الدرس وتبقي عارفة ايه القرار الصح الي هتاخديه .. ممكن الكلام ده ميهمش حد وهو فعلا ميهمش حد غيري بس هكتبه هنا عشان يكون عهد باخده على نفسي قدام الناس اني مرجعش في ولا درس اتعلمته في الفترة دي .

الحدوتة وما فيها سنة مرت بالطول والعرض ازاي مش مهم المهم انها عدت بس عدت مش بالسهل عدت زي المادة الرخمة الي بتبقى كابوس طول السنة ومبنفقش منها غير لما بنشوف نتيجة الامتحاان والحمدلله انا بعتبر ان انا عديت في الامتحان بعد مرات اعادة كتييير قووووووووي بس عديت وانا حافظة المادة صم وعمري مهنساها وده معناه اني اتعلمتها صح محفظتهاش والسلام وعشان كده حبيت الي اتعلمته اقوله لنفسي قبل اي حد ..

الفترة الي فاتت انا بالظبط كنت عاملة زي الطفل الي كان بيتعرف عالدنيا من شباك جديد اتفتح في البيت  اول مالشباك اتفتح اتفتح بليل في ليله شتا  لقى سواد في كل مكان حواليه حتى القمر كان غايب مشفش حاجة غير رعب الليل وظلمته وقسوته بكل صورها شاف عدم الامان في بيبان بيته الي متفتحة وكل واحد داخل طالع يكسر حاجة في البيت ويمشي , شاف الخوف في كل صوت حواليه في الظلمة , شاف الغربة في وحدة الليل , شاف وشوش ملايكة لما قربت لقاها شياطين وشياطين لقاهم ملايكة , شاف جسمه بيتهز من كتر البرد الي حواليه وهو في عز البرد مش لاقي الي يمسك ايديه يدفيها شاف اليأس في الظلمة الي حواليه انه يعرف يشوف طريقه او يشوف بيت حواليه فيه ضي  , شاف الحزن في كل فرحة بيدق قلبه بيها اول لما يسمع صوت مقرب عليه ويفتكر انه جايله ويلاقيه رايح لبيت بعيد , شاف الغدر في كل ايد اتمدتله عشان تشده توقعه من بيته وكان بيحسبها ايد بتدمدله بسلام , شاف الوجع من كل طير بيعدي يخبط في راسه  فيجري منه يخبط في حيطة لحد مأغمى عليه من كتر التخبيط, اغمى عليه ايام وليالي وشهور من غير محد يحس بيه لحد مفيوم صوت أدان صحاه لقى الدنيا بتفتح عنيها والنهار بيجري ورا الليل وكانه بيطرده عشان ينور الكون بدفا شمسه الي فجأة نورت الكون وشالت حجاب العتمة من على عينه وشاف فيها كل حاجة على حقيقتها شاف من الشجر خضاره مش بس صوت بكاه وشاف من البيوت حواديت مش بس حجارة وشاف من السما امل مش بس بعدها وشاف من الطرق مواعيد مش بس متاهات . ووقف تاني ومسك في الشباك عشان يسند نفسه ويقوم ويشوف الدنيا بشكل جديد .

الفترة دي الطفل ده لما فاق لقى نفسه فجأة راجل كبير شاب بقوته وشيخ بالي اتعلمه من الليل وقسوته واخد احتياطاته ان في حاجات لو عاش عليها هيامن نفسه من عتمه اي ليل عشان هتكون الشمعة الي بتعوض غياب شمس النهار .. 

عرف أن مفيش حاجة في أعمارنا بتضيع لان حتى الوقت الي بيضيع بيعلمنا قيمته وبيعلمنا ازاي نحافظ عليه
عرف أن مفيش حاجة في الدنيا بتيجي بالتمني والفرجة من ورا الشباك وانه عشان يشوف الحقيقة لازم كان يخرج ويشوف كل حاجة من قريب عشان يشيل من قلبه شكوك وظنون ويتعلم ازاي يهزم جواه الخوف
عرف أن الحاجة الوحيدة الي دايمة في ليل ونهار هي دعوة بتعدي شعاع الشمس وعتمه الليل عشان توصل لسابع سما 
عرف ان الحقيقة الوحيدة في حياته هي هو وان كل حاجة وكل حد بيتغير فطلاما هو في الدنيا تبقى الحياة مستمرة وهتعدي
عرف أن الدعامة الأساسية في حياته هي ايمانه بقدرية كل شيء في حياته وان كل حاجة في حياته مرهونة ما بين الكاف والنون
وان العالم كله لو عمل المعجزات مفيش حاجة هتحصل براهم
عرف أن كل حاجة بيزعل على ضياعها او تأخيرها بتكون بسبب هزة ايمان جواه ووسوسة شيطان بتقله انها بتاعته وبتنسيه انها مش بتاعته لانها لو بتاعته هتلف العالم وترجعله في الوقت المناسب
عرف ان كل حاجة مكله بتضيع منه بسبب استهانته بيها وعدم شكره عليها وبسبب نفسه القصير في محاربته عليها
عرف أن الحزن احنا الي نعمله لما بنقرر اننا نشغل بالنا بحاجات مكتوبة من قبل منتولد وحاجات بإيد الي خالقها وبس
عرف أن الحزن ما هو الا جندي من جنود الرحمن نازل رحمة لينا ومغفرة ومعلم بيعملنا قيمة الفرحة والابتسامة الي لازم نداوم عليها
عرف أن هو مركز دايرته وان مينفعش حد تاني يكون هو المركز ده وان كل الي حواليه بيلفوا مرة جواه ومرة براه ومرة بيكسروا قانونه ومرة بيحافظوا عليه لكن مهما اختلفت مساراتهم طلاما هو موجود الدايرة بتدور
عرف أن الثقة ومد الايد حتى لو هتسلم على وردة هيجرحها بس الجرح ده لازم ينساه طلاما نيته صافية لان ده دواها
عرف أنه لازم يسامح الناس مهما جرحوه عشان الناس في حياته لازم يكونوا نوعين نوع بيجرحه ورغم ده بيسامحه عشان بيحبه وعشان مهما حصل ما بينهم في حاجة ما بينهم اقوى من اي جرح وناس بيجرحوه ولازم يسامحهم لانهم هوامش في حياته بتزينها مش اكتر ومقته عليها هيبوظ الهامش فلازم يسامحهم عشان نفسه
عرف أن ساعة حياته مهما جرى او هدى في خطواته مش هتتأثر وهتمشي على قوانينها هي مش قوانينه فمينفعش يستعجل او يأجل ولازم يمشي مع عقاربها عشان متلدعوش
عرف أنه موجود في الحياة عشان يعيشها مش عشان تعيشه وانه الي بيقصرها او بيطولها هو لان هو الي بيحدد يعيشها ازاي وصور البومه يبقى شكلها ايه هيبتسم عشان الصورة تطلع حلوة ولا هيبكي ويحرقها ؟؟
عرف أنه ميندمش على غلطة في حياته عشان لو مغلطش عمره مهيعرف الصح وانه من غير جرح عمره مهيتعلم 
عرف ان كل انفعالاته لازم تكون من قلبه وانه وقت الحزن يحزن ووقت الفرح يفرح ويدي كل احساس حقه عشان ميحيرش قلبه
وقت ميحب يهرب من الناس لنفسه يهرب وقت ميحب يهرب من نفسه لربه يهرب وقت ميحس انه عاوز يعيش يعيش وقت ميحس انه عاوز يموت يسجد
عرف ان الانجاز الي بجد مش انك تعمل حاجة الناس تشوفها وتصقف عليها وان الانجاز انه يشوف حاجة جواه ميعرفهاش
الانجاز انه يحس انه مغمض عينه وهو مبتسم عشان عمل حاجة هو راضي عنها مهما كانت صغيرة في نظر الناس
عرف ان الوحدة مش انه يكون وحيد بعيد عن الناس وانما الوحدة انه يكون في مكان وعقله في مكان وقلبه في مكان 
عرف ان مش شرط يكون مبدع في كل حاجة وان طلاما عنده حاجة واحدة بس تميزه فهو مميز
عرف انه ميدفنش حاجة جواه لمجرد ان الي حواليه رافضينها وانه يخرج طاقته في كل حاجة بيحبها وميخجلش انه يقول انا فاشل في كذا بس انا اقدر اعمل كذا
عرف ان الحاجة الوحيدة الي هتريحه طول عمره انه يعترف بغلطه وميكابرش عشان يصححه عشان مش المهم شكله قدام الناس المهم شكله قدام نفسه وقدام ربنا
عرف ان كل درس اتعلمه في الحياة بيكون بسبب واقعة فلما يقع يقول الحمدلله وقلبه كله ايمان انه هيخرج منها بفايدة حتى لو كانت الفايدة دي انه عرف ان المكان ده في حفرة
اتعلم ان مش كل ابتسامة لازم تدخل القلب في ابتسامات كتير لازم تتفلتر الاول بالعقل
اتعلم ان مش كل كلمة حلوة ورها محبة في ناس لسانها مصنع حلويات مسمومة
اتعلم انه يغلي نفسه قوووي عشان الناس تقدره وانه ميضغطش عليها ولا يرخصها عشان اي حد مهما كانت معزته لان الي بيعزه يرفعه ويغليه اكتر مبيغلي نفسه والي مبيعزوش ميلزموش
اتعلم ان باب الامان الي دايما مفتوح هو باب ربنا سبحانه وتعالى وقت الفرحة يتفتح بالحمد وقت الحاجة بالتوكل والدعاء
اتعلم ان مدام الباب ده مفتوح فهو في امان لان كل البيبان التانية هتتأمن بجنوده
اتعلم انه ميستناش لحاجة مش بايديه لانها هتقابله في طريقه ايا كان مكانه
اتعلم ان مفيش حاجة اسمها انه واقف في مكانه ومتحركش لان كان واقف بيروي الارض الي هيزرع عليها سنينه الجاية

اتعلم كتير وكتير وكتير وعشان كده قرر انه يرسم حياته وميخليش حاجة ترسمهاله وان تلوينها هيسيبها على ربنا سبحانه وتعالى وكفى




الاثنين، 20 أغسطس 2012



عندما يزيد اشتياقنا لكل ما هو ماضي ... اعلموا أن حاضرنا ضاق بأرواحنا فما عادت تحتمله وما عاد يروي عطشها



الثلاثاء، 31 يوليو 2012



أحيانا كثيرة تجرحنا كلمات تسأل عن حالنا .. فقط لأنها تذكرنا بأننا لسنا بخير






الخميس، 17 مايو 2012



أتعلم 
لقد قررت مؤخرا العودة للحياة 
نعم بك بدونك سأحيا
سأتعلم من اليوم التمرد عليك
ساضع عطري المفضل عطر الياسمين الذي لطالما حرمتني منه لأنك لاتهواه
سأصفف شعري بطريقتي العفوية التي تبرز ملامحي الطفولية التي تكرهها
سأرتدي ملابسي القديمة بألوانها الزاهية والتي من أجل ثوبك الأسود المفضل هجرتها 
سأسير في الشوارع المزدحمة التي تغتال أفكارك وسأبعث بباقة ورد لك منها 
سأرتاد المقاهي والمطاعم الصغيرة التي لطالما أنزعجت منها لأنها مليئة بالحياة
سأحتسي فنجان القهوة ليلا وأنا أطالع القمر وأرسم ملامح من أحبهم بين النجوم الساهرة 
سأقضي الليل بطوله أقرأ في سطور رواية العشق الا منطقية التي لطالما سخرت منها
سأتناول وجبة عشائي على ضوء الشموع التي تختنق منها
سأرافق البحر الذي ترهبه كثيرا وسأقرأ له قصائدي المفضلة التي أخبرتني أنك سأمت منها
سأتعلم العزف على الآلات الوترية التي تستفز مشاعرك وتقلب  أوجاعك بين أوتارها
سأرقص على النغمات الكلاسكية التي لطالما مللت منها
سأكتب أشعاري التي لطالما سخرت منها 
سأحيا حياتي التي ابعدتني عنها أو ابتعد انا من أجلك عنها 
سأعود كما كنت وعد أنت وحيدا كما كنت او ابحث عن أخرى تحبك كما أحببتك أنا 
ابحث عن اخرى تفهمك كما فهمتك أنا
ابحث عن أخرى تتخلى عن حياتها من أجلك كما فعلت أنا
ابحث عن أخرى تحتمل غيرتك كما احتملتها أنا
ابحث عن أخرى تتخلى عن كلمات الغزل في مقابل ابتسامة منك كما تخليت أنا
ابحث عن أخرى تعشق قسوتك كما عشقتها أنا
ابحث عن أخرى تذب في  عالمك كما ذبت أنا
ابحث عنها في كل مكان وان لم تجدها لا تنظر للخلف لأنك لن تجد مني سوى من كانت أنا

الأربعاء، 16 مايو 2012








لا أهرب ولا أجيد لعبة الأختفاء .. فقط لا أملك سوى بضع دقائق أبحث فيها عن نفسي .. وقررت مؤخرا أنني لن أتنازل عنها لأحد سواها  .. فهي الوحيدة التي أعلم أنها لن ترحل يوما عني ..حتى عندما نفترش التراب 

الأحد، 13 مايو 2012





كل الحكاية ان انا موجوع نفسي في صرخة بصوت مسموع تبص في عيني تلاقي دموع كفاية اداري ان انا مجروح واضحك ضحكة طير مدبوح

كفايا اداري ان انا زعلان عشان متعبش معايا انسان 
كفايا أطيب خاطر ناس وهما معايا بدون احساس 
كفايا أتألم من غير متكلم وأنا قلبي نفسه عالفرح يسلم
كفايا أزود جرحي بيدي وأقول للناس بكرة تعدي
كفاية امسح دمعي بيدي واخاف لو واحدة على خدي تعدي
كفاية اعيش احساس كداب ان الفرح واقف عالباب
ليه هنداري وعلى مين هنخاف والناس قلوبها اراضي عجاف
هبين حزني لكل الناس وهبين فرحي لكل الناس 
انا انسانة بميت احساس مش حد عايش كده وخلاص
الفرح جايز والحزن جايز ويوم في القلب ويوم بنداس
الفرح شمس تدفي قلوبنا والحزن ضلمة تبين ناس
هحضن فرحي واطيب جرحي ومش هداري عالناس احساس
يمكن لما يحسوا بجرحي يشوفوا قلبي كتير حساس
وان صخور القلعة العالية بيتكسر جواها ازاز 
ومش معنى انها صامدة يبقى الضرب فيها حلال
في يوم الارض الصلبة هتتهز وتتهد جبال
ويومها هتكون العودة محال 
زي مدوام حالنا في الدنيا محال

السبت، 5 مايو 2012



لا أريد أن اسميها خيبه أمل , لعلها الرسالة السماوية التي ارسلتها نبضاتي إلى السماء فجر هذا اليوم فأرسل إلي الرد بسرعة لا أتوقعها , اذن فلنسميها فرق توقيت , نعم انه فرق توقيت لا أكثر , ولعلها أوهامي التي طاردتني الأيام الماضية قرر القدر اليوم أن يطلق صراحها إلى أرض الواقع فكشف عنها نقابها وأشرقت كضوء الشمس للعيان , أعشق ذلك القدر فهو الصديق الوفي الذي يبحث عن الحقائق ليظهرها لي بكل اخلاص وصدق , شكرا لك يا صديقي .






عمرك شوفت طير مجروح من كتر جرحه بيبتسم .. اهو ده حال قلبي الي من كتر الوجع الضحكة على وشه بتترسم



الخميس، 3 مايو 2012







أصعب وقت علينا يعدي لما تاخدها يا قلبي تحدي , ووسط الآهة تضحك ضحكة , في وسط الريح وتقول هتعدي

السبت، 28 أبريل 2012





كيف لازهاري أن تحيا بعدما قصصت أخر وريقاتها وأنا اعد من نسوني في زحمة الحياة .. وكيف لي أن أحيا بعدما وجدت اسمي مدون عليها .. فان قتلوها هم بتجاهلهم .. قتلتني نفسي بنسيانها لي .. كيف ألومهم ونفسي تقودهم .. كيف أحزن عليهم ونفسي  لم تحزن يوما لي وتشتت من اجلهم .. تبا لكي يا نفس حطمت قلبي بيديها .. تبا لكي يا نفس عشتي لمن جرعوكي الحزن بكؤوس الحرمان .

الجمعة، 20 أبريل 2012









مش معنى أن في يوم احساس شدني أني هغرق معاه
لا الفرح دايم ولا الدمع دايم الدنيا ما بين ابتسامه واه 
ليه أحارب احساس عجبني عشان في عقلي رفضاه
هعيشه زيه زي كل شيء تاني في الحياة 
هحارب عشانه ساعات وهحاربه عشاني ساعات
وهحسه بكل ما فيه من دموع وآهات 
ليه بندور عالفرح دايما مدام بيجي لوحده ساعات
وبنطرد الحزن دايما مع انه بيقوي فينا حاجات 
لازم نعيش الدنيا بكل ما فيها نفرح ساعات ونبكي ساعات
لازم  تتعبنا ولازم نتعبها والا هنعيش في  حالة سبات 

الاثنين، 16 أبريل 2012









أتمنى حياة .. ليست كأي حياة .. حياة ترسمها أنت لي .. وأكون فيها أنا لك 






يا حزن بيخبط عالبيبان

 خلتني أقوم كل يوم قلقان

 وأقفل الباب تزقه وتدخل وأقلك أنا احساسي بردان

 تقلي أنا من الفضا زهقان

 أقلك فاضي منين وأنت مصاحب كل بني الانسان

 ترد تقلي عاجز عن العمل في دنياكم وتعبان

 اخدت معاش مبكر في أيامكوا الي كلها دخان 

اروح لمين وانتوا كل واحد ماشي في مشاكله حيران 

طعمي مر علقم صار في عصركم لبان

 وشغلي في زمانكم منتهى الإجرام 

وأقلك وانا يعني مش من بني الأنسان

 تقلي اصلك على طول مبتسم راضي وفرحان

فبدوقك  طعم الحرمان

 عشان ضحكتك تبقى أعلى كتير من زمان

 وقلبك صافي كمان وكمان

 وايه أحلى من دموع تروي القلب العطشان

 ودرس يعلمه أن لولا الحزن  ازاي يعيش الانسان 










مبعثرة في مزيج من فوضى المشاعر 

الاثنين، 9 أبريل 2012










عارف لما بتيجي عليا ساعات وأزعل منك على اتفه حاجة وتقعد تقلي انتي بتدلعي , ساعتها ببقى عارفة أني مزوداها
بس ببقى عارفة بردو أنك مزودها أكترمني بإهمالك ليه وببقى هتجنن لما افكر ان في دقيقة في حياتك فكرت فيها في حاجة وانا مش معاك فيها

عارفة أن الدنيا زحمة ومشاكلها كتير بس فكرك هتحلها لوحدك وانت واخد جمب وبعيد عني , امال ازاي اخترتني عشان اشاركك حياتك
عارفة ان ممكن تكون بتقول في نفسك وانا احكيلها ليه واضايقها ليه ,  عارفة انك بتعمل كده عشان متزعلنيش بس ده في حد ذاته بيزعلني
لانك مش بس حبيبي انت حبيبي وابني انت نصي التاني وتوام روحي ومن حقي أحضن همومك الي هي همومي  ونحلها سوى
حتى يا سيدي لو انت شايف عقلي مش قد كده خدني على قده وقولي شاركيني ,مش يمكن وانت بتحكيلي تلاقي الحل في عيوني , ولا ناسي انك كنت دايما بتقلي انهم  مرايتك


عارف حتى لما بكون تعبانة وانت مش واخد بالك ولما حتى بتنسى تقلي سلامتك , انا عارفة ان مبيكنش قصدك لان مفيش حد بيقول لنفسه سلامتك
بس المشكلة مش في أنك مقلتهاش , المشكلة أنك عودتني عالدلع في الأول أيام مكنا اتنين , متجيش في ثانية واحنا واحد  تنسى حتى تاخد بالك من نفسك
هو يعني عشان عندك شغل كتير ودماغك شغالة ومش فاضية هتنسى ان روحك ليها عليك حق وتنسى تروي عطشها بالصلاة زي مدي روحك انا نفسك , حد ينسى نفسه , ولا انت ماشي على سطر وسطر ونسيت ان حبيبي وحبيبك موصيك بيه

طيب أقلك على حاجة كمان ومتقلش عليه اتجننت أنا لما بتاخد بنتنا في حضنك وانا قاعدة جمبكوا بتفرج ببقى خلاص على اخري وزعلانة
أكيد مش لأنك حضنتها بس لأنك نسيت انك وعدتني زمان انك متفرقش بين ولادنا وتحضنهم سوى ونسيت أنك قلتلي اني مراتك وبنتك وبيتك ودنيتك
بزعل عشان نسيت كلامك  , مش لاني عاوزة ادلع عليك ولو ان ده من حقي , بس عشان مش عاوزة احس في مرة انك رجعت في كلامك لان ده الي بيحسسني بأمانك


طيب عارف حاجة كمان لما بطبخكلك حاجة وتاكلها وتقلي جميلة ويبقى قلبي طاير من الفرحة وتقوم منزلني من سابع سما لسابع ارض وتختمها وتقلي بس ماما كانت بتعملها احسن
ببقى عاوزة اجري بعيد واعيط وبعمل فيها هبلة واقلبها زعلة ونتخانق عشان اعيط براحتي من غير متقلي بتعيطي ليه بس والله انا مبيكنش قصدي
كل الموضوع انك كل مرة بتحسسني ان ماما ادتني أمانة وانا مكنتش قدها ومحفظتهاش زي مكانت بتعمل معاك وانا ببقى نفسي لما تشوها تقلها وهي معايا بلاقيكي فيها
عارفة ان مهما عملت مش هكون زيها بس عالاقل أكون وأنا جمبك معوضاك عن فراقها وفراق السنين الي عشتها معاها وسبتها وجيتلي


عارف أنا عارفة كويس انك لما بتزعلني بيبقى مش قصدك وانك بتكون هتموت وتصالحني بس سي السيد الي جواك بيمنعك فبدلع وازيد فيها لحد مشوف مين فينا عليك أغلى انا ولا سي السيد
بيني وبينك ساعتها بقعد مع نفسي واراقبك وكل ثانية اقول هيكلمني واول متكح بس اتلكك واقلك سلامتك مع اني عارفة انك مش تعبان وبتتلكك عشان عارف ان سي السيد مش هيهون عليه
وبشوف ضحكتك الي بتضحكها من تحت لتحت وبدور وشي واضحك واحدة زيها وتقوم جاي مكلمني ولا كأن كان بينا حاجة واقلك بتكلمني ليه دلوقتي
تبصلي وتقلي الله مش انتي الي صالحتيني ببقى ساعتها هموت من الضحك بس ببصلك البصة اياها واهز براسي عشان مجريش عليك واخدك في حضني واعمل نفسي قال ايه تقيلة وانا خيبتي الي تقيلة بأمارة ان كل مرة بنفس الطريقة بتضحك عليه وأصالحك

عارف احيانا بيبقى نفسي وانت جاي وزهقان وحران وتعبان من الشغل وتعد عالكنبة وتعد تدي اوامر أوامر بيبقى نفسي تقلي هاتي المية والملح يا أمينة اهي حاجة تغير بيها روتين طلباتك
بدل مكل يوم هاتي الأكل سكتي العيال بطلوا دوشة زهقتونيي وكأننا احنا حضرة المدير العام الي هاريك شغل ليل ونهار وبتطلع الي فيك علينا
بس بيني وبينك بردو بيبقى في حاجة جوايا بجد هي الي بتتمنى  تقلها وانا بكل حب أعملها يمكن بيبقى نفسي زي مانت بتطلع موروثات سي السيد عليه أطلع طيبة امينة عليك
عشان بس تعرف فضل ربنا عليك لما رزقك بواحدة زيي مريحاك ومهنياك ومدلعاك وكمان  أصيلة وكلي طيبة وحنية

طيب بس بس بطل ضحك انا سامعاها من هنا وبعدين بتضحك ليه تنكرر يعني بزمتك هي أمينة عملت الي بعمله ده لسي السيد ولا فكرت حتى تكتبله ربع الجواب ده
انت لسة قاعد بتفكر قوم يالله اتوضى وصلي ركعتين شكر ونادي عليه عشان اصلي وراك بدل الاتنين عشرة على أكبر نعمة ربنا رزقني بيها وهي طيبتك وحنيتك عليه

الأحد، 1 أبريل 2012








لم أتغير أبداا .. فقط لم تعد أنفاسي تحتمل الركض طويلا ورائكم .. وأنتم لا تنظرون أبداا للخلف