شخابيط وكلام ممكن يكون مهم وممكن يكون فاضي ايا كان فهو كلام خارج من أعماقي
RSS

الأحد، 31 مارس، 2013







ولأنها وُلِدَت أُنْثَى فِي مُجْتَمَعٍ غَارِقٍ فِي الظُلُمَاتِ وُشِمَت بِالعَارِ فَاسْتُعْبِدَت !!



الخميس، 28 مارس، 2013


 

 بضع وعشرون عاماً هو عدد تقريبي غير منصف يصف عمر جسدي من يوم مولدي ليومي هذا ,   أزيل منه بضع أصفار بعدد أنفاسي بفعل شيطان النفس اللعين ,  ليزين لي عمري وتقول لي نفسي في ساعات تمرد ماردها عليها مازلت صغيرة يا فتاتي , وتعود لتصفعني بقوة في ساعات صحوتها لتقول لي في حزم لا تنسي بضع أًصفار بعدد أنفاسك ترسم لك درب سعير محتدم , وتعود لتهدأ فتهمس برفق مازال في العمر بضع أنفاس أخرى عطريها بتوبة قلب التائب المنفطر . وأتوه  أنا بين صحوة النفس وتمردها  تمزقني  سكرات العمر المختصر  في بضع وعشرون عاما وبضع أنفاس لم تحتسب , فلا أعلم هل أنا ممن قيل فيهم " وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى* فَإِنَّ الْجَنَّةَ هِيَ الْمَأْوَى " أم ممن قيل فيهم " أَفَرَأَيْتَ مَنِ اتَّخَذَ إِلَهَهُ هَوَاهُ وَأَضَلَّهُ اللَّهُ عَلَى عِلْمٍ وَخَتَمَ عَلَى سَمْعِهِ وَقَلْبِهِ وَجَعَلَ عَلَى بَصَرِهِ غِشَاوَةً فَمَن يَهْدِيهِ مِن بَعْدِ اللَّهِ أَفَلَا تَذَكَّرُونَ "

 

الاثنين، 25 مارس، 2013



عارف احساس ان انا وانت حاجة واحدة مصير واحد حياة واحدة مستقبل واحد , فرحي هو فرحك , حزني هو حزنك , حلمي هو حلمك , احساس انك تزعل مني عشاني , وتزعقلي من خوفك عليه , احساس ان لو خفت اجري عليك امسك ايدك احس بالامان , لو هقع تسندني , لو قلقانة ابص لعنيك اطمن , احساس انك امامي في الصلاة و استاذي في الواجب ومديري في الغلط , احساسي بإن في راجل انا مسئولة منه وهو مسئول مني , احساسي بان مش ورايا ظهر هتسند عليه لا ورايا ظهر بالفعل ساندني , احساس ان انا من حقك وانت من حقي ومش من حق حد يدخل ما بينا لاننا كيان واحد , احساس ان العالم كله يشوف انك بتتحكم فيه وانا شايفة انك بتعمل ده عشان خايف عليه , احساس خناقة بنتخانقها  سوى عشان انت غيران وانا شايفاك مكبرها ومن جوايا قلبي بيرقص من الفرحة عشان غيرتك عليه بتطمني وبتقولي لسه بيحبك قوي , عارف بردو الاحساس الغريب الي بيتحس لما واحد فينا بيكلم التاني عادي ولا كأننا متخانقين امبارح وكأننا طفلين اتخانقنا عشان مين يقعد جمب الشباك في اتوبيس المدرسة وروحنا البيت كلمنا بعض عادي نسأل عالواجب وتاني يوم الصبح اتخانقنا نفس الخناقة ورجنا نتلكم في المدرسة بردو عادي , عارف احساس لما انا وانت نخرج سوى وواحدة تقولنا انتوا قرايب نضحك ونقولها لا احنا من العشرة بقينا بنشيه بعض قوي , عارف الاحساس الي هو اكبر بكتير من مجرد احساس بالحب , احساس اول مرة تناديني باسمي واول مرة تقولي حبيبتي واول مرة تقولي مراتي واول مرة تقولي يا ماما واول مرة تقولي يا ام فلان , احساس بالمودة والرحمة الي العشرة والتفاهم خلوه اكبر من اي كلمة حب . عارف الاحساس ده هو الي بحلم احسه معاك وتحسه معايا , هو ده الاحساس الي اكبر من اي احساس تاني مزيف هعيشه في خوف وقلق , الاحساس ده اطهر من اي احساس تاني هعيشه وأنا حاسة ان انا بعمل حاجة غلط من ورا أهلي, الاحساس ده اكبر من اي احساس تاني هيكسرني ويجرحني لو مش  بايد انسان هيبقى بسكينة الظروف , الاحساس ده هو الي هيخليني اتخلى عن اي احساس تاني ومرداش بغيره , الاحساس ده الي هيخليني محافظة على قلبي وعقلي وروحي من اي احساس تاني مع اي حد غيرك , الاحساس ده الي هيخليني مستنياك لآخر يوم في عمري على أمل احسه معاه , ولو مكنش معاك في الدنيا , فأنا عارفة اني اتخلقت عشانك وهكون معاك في الجنة , الجنة الي كل يوم بدعي ربنا يجمعني بيك فيها زي مهيجمعني في يوم من الأيام بيك في الدنيا , الجنة الي هنربي ولادنا على أنها هدفهم الأسمى , الجنة الي هنخليها في بيتنا في الدنيا , عشان تنادينا في الآخرة , الجنة الي انا عاوزاها في قلبك , والي ببنيهالك في قلبي من قبل مشوفك , الجنة الي بدعي  في كل صلاة ان ولادنا بتربيتنا ليهم وبدعوتهم لينا تجمعنا .





 
وكالعادة يستقبل الناس نيسان وأبقى أنا معلقة في ذكريات آذار , لا أرحل منه ولا يتركني أحيا فيه , تراودني أطلال عام مضى  ,لا أعلم هل كنت فيه من المرحومين أم كنت من العالقين , أحيا نصف حياة  أو أموت نصف موتة , إلى أن تنتشلني رحمه الله من أفكاري , فأشعل شمعة أمل جديدة في نفسي , أواسيها بكلمات عتاب خفيفة لتقوى على النهوض من جديد فتهمس , كوني أفضل هذا العام .


الجمعة، 1 مارس، 2013






أَبْكِي  أَحْلَامَاً مَا كَانَت يَوْمَاً أَحْلامِي ...  تُرَانِي أَلِفْتُ البُكَاءَ ... أَمْ لَأنَّهَا أَحْلَامٌ تُشْبِه كَثِيرَاً أَحْلَامِي .