some love stories live forever like your love Constantly grows inside me  ,
It's like a little baby inside his mother ,but he is a Stubborn child ,he Strongly rejects out of her heart & he insists to live in her heart As long as she live ,& her heart Continues to grow until it become larger than all of the world So he can Includes his baby or mother of the world , yea my mother now you my little baby,  inside my heart , please Throw on my shoulders your Pain

Tweet
Share

يااااا رب لي وطن أحببته من كل جوارحي .. وكرمته أنت في كتابك
قلبي خفق بدعواتي له ... فاكتب له الصالح بحق مرات تكريمك له

يا رب لي أخوة لم تشهدهم عيني فقدوا نور اعينهم من أجلي
قلبي يعتصر حزنا عليهم وخوفا على قطرات دماءهم النقية
من مات منهم فتقبله شهيدا واجعل اليوم يوم عرسه
ومن عاش منهم اكتب له فرجا قريبا من عندك

يا رب لا أعلم اين الخير لوطني وانت تعلم مالا اعلم
فان كانت دموعنا هي خيرنا فقد سالت دموع دامية
بحق تلك الدموع ابدلها بدموع الفرحة الغامرة
وان كانت ذنوبنا تعاظمت فلتشهد أنفاسنا أننا بعددها استغفرنا في تلك الليالي المظلمة
فبدل صلواتنا من صلوات الحاجة الى صلوات الشكر ورؤسنا لك ساجدة
ورطب شفاهنا بكلمات الحمد ولك الحمد في كل وقت وحين ولك الحمد على كل محنة ومعضلة

يا رب هدم بيتك الحرام أهون عليك من قتل نفس مسلمة
وفي وطني قتلت نفوس غالية
فاحقن دمائهم الطاهرة واحمي اعينهم وحرم النار على اجسادهم الصامدة
وبدل نور الحياة الضائع من أعينهم بنور وجهك الكريم يا رحيم

يا رب لوطني اعداء تعلمهم ولا نعلمهم
عليك بهم وانت اهل لهم
 فهم يكيدون لوطني  ولا يفلح كيد الظالمين
فانصر عبادك المتقين على أعداءهم الفاسدين


اللهم امين امين

بقلمي 

Tweet
Share

وفاضل أيه اكتر من اني بقيت غريبة عني !!

Tweet
Share

 

يتصنعون كثيرا يلونون كثيرا يغيرون أقنعتهم كثيرا .. لكنهم لا يعلموا أن الحب يأتي من قلوب بيضاء تتنفس الصدق تتنفس النقاء قلوب تملأها محبة مجردة من الأسباب.. تلك المحبة هي التي يقذفها الخالق في قلوب عباده لقلب محب ليعلمهم جميعا أنه راض عنه وكأنه يقول له على لسان الجميع .. أحبك عبدي كما أحببتني

Tweet
Share

 

 

كثيرا هم من يحتلون حياتي وأفكر كثيرا في اخراجهم منها أو خروجي أنا من حياتهم
ولكني سريعا ما أتراجع وأفكر قليلا وأقرر أن ابقيهم قريبين مني يكفي ان بوجودهم فيها يجبروني على تذكر ربي كثيرا والاكثار من قول الحمدلله الذي عافاني مما ابتليتم به

Tweet
Share

عارف كام مرة دعيت لك فيها .. بقد كل مرة افتكترك فيها
 
 عارف كام مرة افتكرتك فيها .. بقد كل مرة احتجت لك فيها
  
عارف كام مرة احتجت لك فيها .. بقد كل مرة كنت ببص حواليه مشفش  غير خيالي  فيها

عارف كام مرة كنت ببص حواليه مشفش غير خيالي  فيها..بقد كل مرة كان بيبقى حواليه ناس كتير مش شيفين غير ضحكة بداري دموعي بيها 
 
عارف كام مرة فيها  كنت بلف حواليه ادور عليك لان روحي مستنياك تدوايها

عارف كام مرة فيها كنت بلف عليك مش عشان اشكيلك عشان بس احس انك قريب مني وان انت بس الي فاهم الي فيها

عارف كام مرة فيها  أول لما دموعي تفكر تنزل كنت بخبيها عشان بس مستنية تنزل في ايديك تحنيها

عارف كام مرة فيها بنقص يوم من عمري لانك مش موجود فيها ولأن عمري بيتحسب بسعادتي في ايامي الي انت بتحليها

عارف كام مرة فيها كنت بخاف اسرح ليدخلوا في احلامي الي ببنيها.. احلامي الي انت بس ساكن فيها

عارف كام مرة فيها انجرحت لما كنت بدور عليك فيها واحلم وافوق من احلامي الاقيني سوقت فيها

عارف كام مرة سوقت  أنا فيها لما كنت في عز مبحتاجك اسمع صدى صوتك فيها
 
عارف  كام مرة كمان  سوقت أنا فيها لما  في عز مبتبقى روحي بردانه واحس بانفاسك تدفيها

عارف  كام مرة كمان سوقت أنا فيها لما ايدي بتترعش من حمل اكتافي واحس بإديك مسكاها تقويها

عارف كام مرة كمان سوقت أنا فيها لما اشوف بنت صغيرة  مبسوطة بلعبه واخاف تكون شافتك قبلي وتكون انت الي مهاديها

عارف كام مرة كمان سقت أنا فيها لما أتخيل كل لحظة مع ممتك بتقضيها واحس ان  ليه أنا كمان  حق  فيها

عارف كام مرة سوقت أنا فيها لما أتخيل أنك بتحب القهوة وبتتمزج وأنت بتشرب فيها واحس أن أنا ليه حق في كل مرة اشرب وراك فيها

عارف  كام مرة كمان سوقت أنا فيها في كل مرة احاول اقص شعري وارجع في كلامي  لما احس ان انت بس ليك الحق في كل شعره هرميها

عارف كام مرة كمان سوقت أنا  فيها   لما في كل مرة بابا بيحضني فيها واحس بغيرتك واتخيل عنيك وانت بتبصلي بيها

 عارف  كام مرة  كمان سوقت أنا فيها   لما صحبتي تمسك ايديا وتشيلها فجأة واحس ان انت الي من غيرتك شلت ايديها

عارف كام مرة كمان سوقت أنا فيها لما  اي حد يهديني وردة وتقع مني واحس ان انت من غيرتك خدتها ترميها

عارف كام مرة كمان سوقت أنا فيها لما أقف عالسجادة وأصلي واسجد واقول يا رب السجدة الجاية يؤمني فيها

عرفت كام مرة بفتكرك أنا فيها  .. احسب بقى كام مرة صليت في حياتي وانت مش فيها

Tweet
Share

 

 

واحلم واحلم واحلم واصحى من حلمي على كابوس ومحرمش وارجع اغمض عيني واحلم واحلم واحلم واصحى على واقع أصعب من اي كابوس ومحرمش وارجع اغمض عيني وحلم واحلم واحلم يمكن الاقي في حلمي الي في حياتي مبيحصلش

Tweet
Share

عارف لما احتجتك جمبي وأنت مش معايا ساعتها أتخيلتك واقف ورايا و من قلبي اتمنيت اجري عليك أشوف علشاني الحزن مالي عنيك بس ساعتها حسيت بإديك بتحضن دمعي تضمه ليك

ساعتها بجد روحي خدتني لبحر وبيت أخدت نفسي وجريت لمكان مبحلم بلقانا وصوت جوايا بيقول ياريت

ساعتها كنت حاسة الدنيا غريبه وفي طريقي لوحدي مشيت
فضلت ابكي وفعز بكايا اتمنيت يربط بينك وبيني خيط

وبعدها فضلت ماشية لحد ممليت وقفت استنى اي حاجة توديني البيت وفقلبي قفلت على حلمي وضحكت وقلت معقولة تتحق طب يا ريت

وساعتها بصيت للسما ودعيت وقلتله ارزقني بالي خلقتله قلبي وخليته له سكن وبيت

ساعتها الهوى طير حجابي وكنت عالعمود ساند ايديك بصتلك فغرقت في عنيك ونسيت ان ساعتك شبكت في حجابي وشدت خيط
وركبت من قبل متتكلم وانت فضلت واقف مشلتش من عليه عنيك وفجأة مشينا ولقيتك جريت
ركبت معايا وقلبي كأني سبته في إديك
وشوية في طفل بيلاعبني اتلهيت ونزلت على بيتنا وقلت ياريتني معاك استنيت وضحكت على نفسي وقلت دي ضربة شمس ولا اتجنيت
وروحت بيتنا ويومها بعد أما اتغديت في كل حته في بيتنا لبرفانك شميت
دخلت على سريري شوفت حنان عنيك ابتسمت ونمت وغصبن عني لقيتني لك من كل قلبي دعيت
بعدها بيومين ماما قلتلي جايلك عريس متتأخريش برة البيت
مشيت زعلانة بفكر ازاي انا من نظرة كده حبيت ومش قادرة افكر في الي مستنيني في البيت
روحت يومها واضطريت اجهز عشان مجهول لازم أقابله وغصبن عني رضيت ولدموعي داريت وعلى مضض مشيت وأول مرفعت عيني فيه ولقيت الي من كل قلبي له دعيت
حسيت قلبي من فرحته هيقف ولولا الملامة كنت طرت وغنيت وعلى استحياء بصيت قالولي رأيك ايه بدون صوت رديت وكان نفسي أقلك أن أنا حبيت بس كتمتها في قلبي من خجلي واستنيت يتقفل علينا باب بيت

ويوم شبكتي لقيتك رابط الدبل بخيط بصتلك قلتيلي جريتي قلبي وراكي بخيط ومن غير محس لقيت نفسي واقف بخبط على باب البيت ساعتها ابتسمت واستنيت لحد ممشيت روحت جري اتوضيت وركعتين شكر صليت وقلت يا كريم زي مالدعوتي استجبت وربط بيني وبينه بخيط ارزقني صحبته في الجنة انا في حياتي وفمماتي بصحبته رضيت

Tweet
Share

بقايا صمت أو كما يقال هدوء ماقبل العاصفة هكذا أصبحت تلك الأحاسيس الممزقة والمتراكمة بين أضلعي
لا أعلم كيف تحولت إلى كتلة ثلجية في نهار الصيف المشمس ولا أعلم كيف تحول طبعي الخريفي العاصف إلى طبع ربيعي هادئ
ولكني أشعر بدفئ قطرات المطر المتساقطة في ليالي الشتاء المعتمة
أشعر بنسائم الفجر الصامتة تداعب خصلات شعري المتطايرة
 وتضمني الصلوات بين أحضانها الدافئة لتربك صفوف أحزاني المتتالية
يالها من شعائر ايمانية عظيمة تنسيني لبضع دقائق دندنة لحن الحياة الصاخب
أشعر فيها بتلك الابتسامة الهادئة التي يتبناها وجهي ليزيل عنه تجاعيد الأفكار المؤلمة
فقط بعد تلك اللحظات أتقلد وسام الشجاعة لأقف أمام مرآتي لأراني أنا
أرى صفاء عيناي وبريقهما
أرى فيهما قلبي بلا شوائب
أرى فيهما مرآة للحقيقة
أرى فيهما ما يخفيه غبار الوقت المزدحم بالأحداث
في تلك اللحظات أجدني بعد ساعات بحث عني في صفحات كتابي
في تلك اللحظات أرفع يدا فؤادي للسماء وأحتضن الأرض بين مقلتاي لأرويها بأمطارهم شكرا للخالق الذي وهبنا محطات نلتقي بها مع انفسنا الطاهرة
شكرا يامن وسعت رحمته كل شيء ومن زان حمده كل شيء
شكرا يامن منحتني شمس تحتضن أشعتها أعاصير أحاسيسي

وبراكين صمتي

Tweet
Share

إلى من نفذت في حبهم جرعات إخلاصي

 

لكل من قرر الخروج من حياتي .. اخرجوا بلا مقدمات .. فباب فؤادي مفتوح... من أراد الدخول سافرش له قلبي بوريقات الورد الأحمر .. ومن أراد الذهاب لن يترك مكانه فارغاً .... فكثيرا هم من يقفوا على باب الفؤاد لا يعيقهم سوى وجودكم .. فالملائكة لا تجتمع مع الشياطين في نفس المكان 

Tweet
Share

من شخابيط يوم قاس

ليس المهم أن نظل واقفين مع كل ضربات الحياة .. ولكن المهم أن تظل بقايا أنفاسنا لتلقي الضربة القادمة ... حمدا لله الذي حافظ لي على بضع أنفاس أخرى

Tweet
Share

أصبحت أتهرب كثيرا من القراءة .. عالمي الرائع وهوايتي المفضلة .. ليس لأني كرهتها .. ولكني سأمت الخيال العلمي .. فكل ما تخطه

أنامل المبعدين .. ليست إلا أحلام يقظة ..

Tweet
Share

 

تسطرين بأناملك الرقيقة هوامش نهايتنا معا .. وكأن لمساتك الخاصة ستخفف مرارة الواقع ... احتفظي بألوانك لنفسك ..فانت في أمس الحاجة لها  لتلوني أيامك بعدي ... لا أنكر أن فراقك سيعذبني كثيرا ولكن مادمتي تنتوي الرحيل .. فصدقيني لن يصعب علي نسيانك .. ليس لأن قلبي قل به الوفاء .. ولكن لأنه ماعاد يحتمل الجفاء ... فلطالما مددت يداي لكي بأزهار الحب فجرعتيني كؤوس الشقاء .. ولن أندم يوما على نبض فؤادي فنبض الفؤاد قمة الكبرياء  ... ولن أنكر يوما أنني أحببتك بنقاء وأن حبك عصف بكياني وأدخلني مدن الضعفاء .. كنت اظن أن أن الحب ينقش رسومات الوفاء على قلب له مكان للدخلاء ولي أنا من البخلاء ... ولكن نسيم الفجر لايحرك قمة جبل تخترق السماء .. فوداعا سيدتي  لليالي الشتاء..  ولن أتذكر لك سوى لحظات العطاء ... فتلك لحظاتي التي كنت أنتمي فيها للسعداء ..  فمن يعشقك سيدتي لا يكف عن العطاء ... ولا ينتظر عليه شكرا أو اطراء

Tweet
Share

كلما لملمت وريقات آمالي على قارعة الطريقة .. هبت رياح اليأس تمزقها
سحقا لكي رياح العرف المغشي عليه .. سحقا لكي رياح خلقت لتعذيبي
أما استطاع الدهر ان ينقيكي .. من سموم الكلام المعيب

Tweet
Share

التغريبة

طعم البعاد صبار .. والغربة ليل بهتان
ياقلبى ياموجوع .. إياك تكون قلقان

لو طالت المسافات .. انا والأمل اخوات
وتالتنا كان الليل .. دة انا ليا فيها النيل

وليها فيا الروح .. ما اخترتش إنى اروح
ما انا جوعى كان كفران .. ملعون ابوك ياطموح

أخرك تشوفلى كفيل .. لكنى مش قلقان
تذكرتى رايح جى .. انا مش فى بلدى عويل

لكـنى مش بتشاف .. زهرة سنينى عجــاف
مع إنى ليا عزيز .. إفتونى فى رؤياى

لمـوا الأمانى إزاى .. حطوها على الباسبور
احلامى صبحت بور .. ممنوع عليه الضى

لكنى مش قلقان .. تذكرتى رايح جى
البعد عنك خوف  .. وأنا عالرجوع ملهوف

لكنى هعود ازاى .. ومكانى كله ضيوف
ياقلبى ياموجوع .. يا آهه حاضنة دموع

حب البلد بيعيش .. لما يموت الجوع
ياحضن بيساعدنى .. واحتجت له وباعنى

ساعة ما مد إيديه .. شاور وودعنى
لكـنى مش قلقـان .. تذكـرتى رايح جـى

دي أول مرة اكتب حاجة في مدونتي مش من كتاباتي ... بس بجد عمري مكنت هكتب احساسي دلوقتي زي محمزة غناه بالشكل الجميل ده ... قمة الإبداع .. أحب بس أقله كلمة واحدة .. فعلا تزكرتي رايح جاي 

Tweet
Share