شخابيط وكلام ممكن يكون مهم وممكن يكون فاضي ايا كان فهو كلام خارج من أعماقي
RSS

الثلاثاء، 29 مارس، 2011

إجابة مبتتغيرش

من حوالي اربع سنين ويوم اختياري لمصر ورفض اي بديل اخر لاكمال دراستي الجامعية
قالتلي واحدة قريبتي غالية عليه جدا فكري كويس مش هتقدري تعيشي في مصر
مصر الي بنسافرلها شهرين الاجازة مش هي هي الي هتعيشي فيها 4 سنين دراسة جامعية
انتي دلوقتي بتحبيها لو عشتي فيها ممكن تكرهيها!!!!!!!

يومها مفكرتش في الكلمتين دول ابدااااا ولا كان من الممكن أني أفكر فيهم في يوم من الأيام
لأن من المستحيل أحساسي بمصر هيتغير
قعدت في مصر سنة واتنين وكنت بسافر لماما وبابا في الاجازات
وسألتني نفس السؤال في كل مرة ها لسة بتحبي مصر؟ طيب مصر ولا الكويت ؟
وكنت برد عليها نفس الرد وكانت بتبتسم نفس الابتسامة وكل مرة كنت بقلها لا انا حبتها زيادة
وكانت بتقلي نشوف كمان سنة هيكون ردك ازاي

عمري متخيلت ان بعد مرور 4 سنين ليه في مصر ان ممكن اجابتي تتغير
كنت قاعده من شوية بفكر يا ترى لو سألتني السؤال المعتاد الي بعد السؤال التقليدي ازيك وقلتلي ها لسة بتحبي مصر
هرد عليها أقلها اييييييه وبجد اتصدمت لما لقيت الأجابة اتغيرت ومقدرش لأول مرة أقلها انا حبتها زياده
لان المرادي وبدون تفكير هقلها  أنا عرفت يعني ايه ان  في حب ممكن يأسر روحي

الفترة الي فاتت دي بجد أنا عرفت يعني ايه بحبها
 كنت متخيلة ان الي عارف يعني ايه حب مصر هو الي غاب عنها واتغرب ورجعلها
مكنتش عارفة ان في حب اعظم من ده وهو الي عاش فيها كل يوم وخاف عليها كل يوم اكتر من الي قبله
مكنتش اعرف ان الحب من بعيد غير الحب وانت في حضنها

الايام الي فاتت دي شوفت ايام عمري متخيلت انها ممكن تمر عليه في حياتي ولا كنت اتخيل ان يعدي عليه اسوأ منها
وكان كل همي ودعائي  يا رب انا عاوزة مصر انا مش عاوزة حاجة في الدنيا تخليني أكرها

طبعا انا مبتكلمش عن الثورة لكن بتكلم عن صدمتي في ناس كتير جدا حواليه وصدمتي في حاجات كتير بتحصل مكنتش متخيلة انها تحصل من ناس معينة
كنت فاكرة ان في حاجات بتحصل مخصوص في الوقت ده عشان حبي وتعلقي بيها يقل لكن للأسف لقيت الحاجات دي
زودت حبي ليها وتعلقي بيها اكتر ميت مرة من الاول ميت مرة لو كان تعلقي بيها زمان زي العصفور بالحرية
دلوقتي بقى تعلقي بيها زي السمك بالميا

مش عارفة بجد الاقي حل لحبي ليها او دوا كل اما ادور على حاجة تبعدني عنها الاقيها بتشدني
كاني مسحورة بحبها كأني اسيرة لحضنها كأني عاشق مجنون بيحب اميرة  جميلة في برجها
برج عالي وبعيد لكن قلبه سكن في قلبها

حب ملوش وصف لعمري سمعت عنه ولا عمري اتخيل زيه
حب غلب حب قيس لليلى وعنتر لعبله وروميو لجوليت وجابر لليلة

ولو اهل الهوى اتجننوا في حبهم انا  عقلت في حبهااا

رجاء لكل الي ممكن يفكر يكرهني فيها او يبعدني عنها قبل متحجزلي تزكرة سفر
اختصارا للوقت اعمل من النهاردة ورق دفني في ارضها

الجمعة، 11 مارس، 2011

لما قررت الرحيل ؟؟


لما قررت الرحيل وتناسيت الماضي الجميل لما فررت من تلك الذكريات لما قطعت تلك البتلات لما حطمت تلك الصور
لما مضيت في طريق مظلم كهف الضياع المخيف لما تناسيت وعدك القديم لما مات بداخلك ذلك الحلم الجميل
لما الان تناسيت واجبك وطالبت بحق مستحيل لما تترك الان يداها االم تتسابق يوما على تقبيل تلك اليدين في الماضي القريب
لمن تتركها اليوم من الذي سيرعاها من بعدك من سيخفف عنها آلام المرض اللعين
لما تتركها وحيده تصارع ما تبقى من ايامها او تنتظر الموت عبر السنين
لما تسقيها كأس الاشتياق والحنين الم تسقك كأس الحنان عبر السنين
الم ترعاك على مر السنين الم تمسح يداها دمع عينيك الحزين
الم يكن حضنها هو ملجأك ايها المسكين
لما تتركها وتعذبها بغربة سنين
لما اهملت تلك السنين واصبحت لاحلامك وطموحاتك سجين
هل تظن ان احلامك هناك واقع وهنا من سابع المستحيل
هل نسيت ان بدعائها تفتح لك ابواب النعيم
وان دمعها يمح كل عمل السنين
ابق معها وادعوا الله المعين
ابق معها كي لاتندم على فوات ايامك بعد مرور السنين
ابق معها فانها كنز ثمين
ولا يغرنك ذلك الحلم اللعين
ابق معها وارتمي في ذلك الحصن الامين
ولا تجعل ايامك تمر وكانها السنين في الاشتياق والحنين

الأربعاء، 9 مارس، 2011

عيد ميلاد سعيد يا انا

في اخر يوم في عام مر كباقي الأعوام ودع قمري ذكريات عام مضى واستقبلت شمسي احلام عام جديد كانت بدايته كبدايه عام مضى لاشيئ فيه جديد فانا وقمري كلانا وحيد لا يشعر بنا سوانا ويتجدد عقد صداقتنا من جديد
لم اكن انتظر رسالة من حبيب ولا مكالمة صديق بل كنت انتظر من اشاركه لحظات العام الجديد الذي جاء ليذكر قلبي انه كالأمس وحيد فلم يتغير حاله في ذلك العام الوليد
ولكني كقمري رغم حزني سأسجل احلامي على ورقات الشجر لتطاير في الفضاء البعيد لتلتقي بنجوم الليل الطويل وسأنتظر تطايرها على مرآة النيل العريق لعلها تنقذ غريق وتصل به الى شط قريب

 وسأنتظر عام اخر اخطو فيه خطواتي الاولى كطفلة تحبو على عتبات بيتها الصغير
تحبو تارة وتقف تارة اخرى تبحث عن يد امان تحمي خطواتها الاولى وتنظر لتلك اليدين نظرة حب وعرفان

سأنتظر عام اخر وانتقل بين ايامه تارة كفراشة رائعه التقسيم والالوان تنشر البهجة في السرور في نفوس الانام وتارة كنحلة عسل تصنع صنع حلو المذاق مفيدعذب شفاف

سأنتظر عام اخر او عامان او عده اعوام واعبرها جميعا كقارب صياد صغير راض عن حياته يشكر الله الحنان المنان

وسأنتظر في كل عام ذلك الانسان الذي يشاركني لحظات ذلك العام ويهمس لي في اذني انتي حبيبتي هذا العام وكل عام

ولكن في هذا العام سأقول لنفسي عيد ميلاد سعيد يا انا ووداعا ايها العام


السبت، 5 مارس، 2011

جعلوكي ثكلى




جعلوكي ثكلى وقلوبنا تدمي
فأبنك العزيز يقتل اخاه بالعمد

يا ويل من كاد بك كيدا
فاليوم يبتسم والغد  سيقتل رويدا رويدا

يكادون والله لآمنك خير حافظ
سينتقم منهم بما كادوا لك من كيدا

يا مصر يا ام العروبة والأمن
ذكرت في الكتاب ووصى بك خير من  ولد

امسحي دموعك فلم تعتادي على الحزن
فوبالذي ذكرك في كتابه اقسم اننا سنرد عليهم غدرهم ردا

يا ام العروبة كيف ان تتخيلي ان يغتالوك  وابنائك هم خير جند
بنار الفتنة يشعلون بينهم ولكن قذف الله في قلوبهم ودا

قال الإله ادخلوها امنين وسيظل امنك  الى اخر الدهر ابدا
فالكتاب باق  ما بقى الدهر رغم كل من تكبر و عند

يا مصر  لما الحزن وكيف واسمك ينطق بالحق
ففي حروفك الرحمة والصدق ومودة تولد في قلوب ابنائك ويكبر معهم الود

يا مصر لما الحزن وكيف وعلمك يرسم خريطتك رسما
الا ترين فيه ان السلام يقع بين الظلام ودم الشهداء يحققه نسرا

يا مصر لقد خلقنا من ترابك وارتوت عروقنا من النيل فسرى في عروقنا الحب
فكيف نبخل بدمائنا تروي ارضك بكل سعادة وحب

يا مصر ارفعي رأسك ولا تركعي الا للحق
فهو الله خير من نركع له ونسجد وخير من يسمع الدعوى

يا مصر ابشري ولا تخافي فأنت في قلوب العباد مصرا
اروي ظمأ قلبك بالأمل في جيل أثبت أنه قدوة

يا مصر لن نترك دمعك الغالي ينهمر بلا ثمنا
وسنلقن العالم من ألفتنا درسا

فقري عينا حبيبتي فأبنائك خلقوا بتقدير  الإله  جندا

مش نفس المكان


ماشية في نفس المكان بدور عالحب الي كان
ماشية وكأني من زمان مهاجرة وسايبة المكان
ماشية بدور عالحنان عالصحبة والضحكة والأمان
ماشية وريحة دم مالية المكان
ولوحة جميلة اختفت وظهر مكانها دخان
هنا في نفس المكان من مدة بسيطة مش من زمان
كان في راجل غلبان راضي بحاله  بينام فرحان
واطفال مالين الشارع بيرسموا حياتهم بعلبة الوان
وهنا بيت شاعر وده بيت فنان
والبنات ماشية بتضحك خلصوا علبة لبان
وولاد ماشية رايحة وجاية والعالم كله جنان في جنان
وام طيبة مالي  قلبها الحنان
وقلوب طيبة عايشة بتحب بعض مدفيها الأمان
بس كل واحد مننا كان مظلوم محبط وزهقان
كان ناقصنا حاجات كتير اكتر من مجرد أمان
كنا عاوزين عيشة حلوة وحرية في الكلام
طالبنا بحقنا وعلا صوتنا في الميدان
طلقوا النار علينا ودهسونا بأحصنة وجمال
مات مننا شهداء ابطال على يد مجرم جبان هو وشوية لصوص تقال
نهبين البلد من زمان تقلش عزبة الباشا الهمام
اكلوا حقوق الغلابة وموتوهم كمان
لاكان قادر عليهم مكان ولا زمان مجبش رجليهم غير رجالة الميدان
صابروا وحاربوا وطالبوا بحقوقنا كمان
شفنا نصرهم وشفنا التغير فينا كمان
وبعد التنحي اتولدت فرحة في كل مكان
واتعلم الكون درس مصري تاريخه حديث اتأسست قواعده في الميدان
وصلوا منه صوتهم ونضفوه كمان
وفضلوا قاعدين في الميدان بيطالبوا بالضمان
وطلع على حس الميدان مظاهرات من كل مكان بيطالبوا بحقوقهم هما كمان
خلوها فوضى وراح الأمان
وغيروا معالم المكان
وبداية التحرير اصبح فوضى وخوف من الي جاي وعدوة جنان وأزمة ثفة في كل مكان
وناس بتموت احلام الميدان
منسوش كلمة انا ومتعلموش درس الميدان
وبأديهم غيروا ملامح المكان
ومصر حزينة بتقلهم رجعولي يا ولادي الأمان
انا عاوزاكم بأخلاق الميدان
ابنوني ورجعولي مجدي الي كان مكتوب في التاريخ زمان
خلوا لحني يكتمل  وانسوا كلمة انا ورجعولي ملامح نفس المكان

رسالة شهيد

انا يا أمي شهيد في دمي غريق في حبك متهم  مش بريء
يا امي الحكاية صرخت الم جواية كانت هي البداية لعهد جديد لحلم كان بعيد خليناه اكيد وبدمي اتولد مولود جديد
اوعي تزعلي او لدمعة من عنيكي تهدري ارفعي ايدك للسما اركعي اسجدي لرب العباد واشكر ي
ابنك يا غالية في الجنة النهاردة اتولد عند الواحد الأحد
  سامعة يا امي زفتي حاسة بالملايكة في دفنتي شامة مسكي وعنبري شايفة يا أمي ضحكتي
 شايف يا امي بقلبي جنتي والحبيب فرحان بدخلتي والورد فارش سكتي
شاركيني يا امي فرحتي هزورك كل يوم في حلم او لما تسمعي قصتي هتحسي دايما بخطوتي هتشوفي دايما ضحكتي واسمي على يافطة حتتي هتشوفيني
في مصر جديدة وليدة صابرة وعنيدة
هتشوفيني في الجناين في المدائن في البيوت
هتشوفيني في العمار في التاريخ في النظام  في الدستور
هتشوفيي في جيل جديد جيل عزيمته من حديد وحب مصر عندهم في الوريد

 قومي يا امي وفرحيني لفي في مصر اروي حنيني
 قومي يا امي وفرحيني وعلى المولودة الجديدة سمي وفرجيني
خديها في حضنك وطمنيني
و قولي لحبايبي مصر وصيتي واسمها على جبنكوا وجبيني 
مصر يا أمي وصيتي احفظيها تحفظيني
مصر يا أمي وصيتي احفظيها تحفظيني 
مصر يا أمي وصيتي احفظيها تحفظيني