وصحيت في مرة لقيت نفسي في زحمة من الوحدة
فكرتني بمرة نمت على صوت سكوتها
فافتكرت نفسي بحلم بصيت لنفسي اطمنها
فافتكرت ان ده حال يومي ويومها
 ولقيتها فهماني ولقتني عاشقة سكونها
قمت مرتاحة وابتديت يومي بسرعة
وقررت ازور شوارع حبيبتي وامشي جمب نيلها
حسيت اني مشتاقة لشمسها ولوردها وعبيرها
فمشيت على بحرها اشم نسيمها
قابلني طفل على لوحة بيضا راسمها
راسم في سماها شاب اسمر بدمه حاضنها
وبنت بحجاب ابيض صاينها نسر يقتل خوفها ويرعب عدونها
وعلى أرضها ورد فتح في جناينها
بينهم اسم مصر متعصب بضفايرها
وأيادي سمرا حاملينها
مزيناهم أساويرها
أساور ذهب عن جدودهم وارثنها
سحرني رسمه فخلاني أغنلها وعن وحدتي احكلها
 ردت عليه بهمسة ضمتني في احضانها
طردت وحدتي وونستني بألحانها
لحد مالليل زين شوارعها
رجعت لبيتنا ورسمتها قلبي حاملها
 وعدت لنفسي لقيتها تايهة في بحر أفكارها
 بتفتكر ني وبتدور عليه في اسرارها
لحد مأحلامي خطفتها
نمت ونامت وصورة حبيبتي في أحضانها تدفيها
 وتروي حنينها

Tweet
Share