شخابيط وكلام ممكن يكون مهم وممكن يكون فاضي ايا كان فهو كلام خارج من أعماقي
RSS

الأحد، 24 أكتوبر 2010

قالوا اوصفيها !

قالوا اوصفيها قلت اوصف انا ايه مهي حلوة وزينة الحلوين وجمالها ياما اتقال فيه قالوا هي ايه قلت دي عقد لولي يتزين الحلا بيه هي شمس نورها ودفاها بموت انا فيه هي وردة بيضة في نقائها هي زهرة حب هي هوا وظل نتادرى فيه هي مصر حبيبتي الي مالها زي في الدنيا واقول انا فيها ايه

قالوا عنها ام الدنيا وغرت انا عليها مهي امي انا وبس وليه انا الحق فيها
حنانها ده ماله زي وبجرحها مين غيري يحس بيه مهي  في جرحي ياما حست بيه ونيلها سمع مني وشوارعها يا ما مشيت فيها
وفرحي شفت ناسها واهلها معايا فرحنين وفرحنين بفرحها ليه
غنالها الغريب والقريب وقالوا يا ريتنا منك يا مصر يا بسمة يا نسمة يا كلمة حب نتغنى بيها
يا كلمة في قصيدة يا كل القصيدة يا احساس ومعنى يا اهل وصحبه يا ست الحبايب يا حبيبة يا غالية يا مصر يا عاليه اقول انا ايه

حبيبتي هواكي والقلب الي هواكي بيغني في دلالك يا حلوة وصبية يا اصيلة وعربية يا نغمة في ودانا يا صورة في كيانا يا حلوة يا بلدي يا اغلى ما عندي بحبك وحبك جوايا بيغني بحبك و حبك جوايا اسرني اسرني في هواكي واماني معاكي بحبك وحبك هو الي ليه هو الي محلي الدنيا دي
بحبك يا مصر لانني بنت مصر بحبك لانك يا غالية عليه اجمل ماليه في الدنيا ديه بحبك لاني بحبك وبعيش انا وبموت في حبك  لان حبك هو عايش جوايا وهو سبب فرحي وهنايا

2 التعليقات:

amal ahmed يقول...

جميلة جدا جدااااااااااااا يا حبيبتى والله رائعة تسلم الايادى يارب
الكللمات سهلة وبسيطة ومفهمومة ومحسوسة بجد كل المدونة رووووووووووووعة

Unknown يقول...

تسلميلي يا حبيبة قلبي ويخليكي ليه ويسلملي عمرك من كل شر يا رب انا بجد سعيده جداااااا انها عجبتك يا وزة بجد بجد منوراني واسعدني تعليقك ومرورك ياجميل
;)