عارف لما تحس فجأة ان الدنيا فضت عليك مع ان كل الناس حواليك 

ساعتها بس هتعرف ان كان في حياتك حد بيعوض كل الي سابوك وأثروا فيك

عارف لما دموعك اول مرة تحتاجها بكل أمانه وتلاقي عيونك بخلانة بيهم عليك 

أعرف أن الحزن كان بيختبرك وأخيرا لقى في قلبك له بيت  

عارف لما تلاقي كلامك كله لخابيط وان حروفك شخابيط 

أعرف أنك فجأة من غيبوبتك صحيت وعرفت أن الي فاضل ذكريات عالحيط

عارف لما تلاقي روحك لمكان هربانه وعقلك رافضه بكل صلابه

أعرف أنه أغلى عليك من ضي عنيك وأنك خايف تدور فيه على الي ليهم حنيت

عارف يا بيت رسمنا ضحكتنا على حطانك أول مرة أشوف الشرخ ده فيك

عشان كان فيك صورة كبيرة بتداري عليك

عارف يا  بيت كنت بعشق فيك  لمتك و دفاك

جدرانك بقت صحرا مفيهاش غير الوجع والآه

عارف يا بيت كان فيك دوانا صرت انت كل شقانا

من يوم مالي حبيناك عشانهم سابونا حزانا 

عارف يا بيت يوم مصحابك سابوك وحبايبهم جم في وقعتك سندوك  

وحافظوا على جدرانك وحضنوك

 أهم هما كمان فاتونا وفاتوك

يا ترى مين يجي بعدهم يداروا شرخك ويسندوك 

ومين بعدهم يرجعنا ليك ويجمع ضحكتنا فيك

مين يا بيت يمسح دموعنا وينور على وشوشنا شموعنا 

وحبايبك وحبايبهم صارت وشوشهم شخابيط عالحيط 

Tweet
Share