يا حزن بيخبط عالبيبان
خلتني أقوم كل يوم قلقان
وأقفل الباب تزقه وتدخل وأقلك أنا احساسي بردان
تقلي أنا من الفضا زهقان
أقلك فاضي منين وأنت مصاحب كل بني الانسان
ترد تقلي عاجز عن العمل في دنياكم وتعبان
اخدت معاش مبكر في أيامكوا الي كلها دخان
اروح لمين وانتوا كل واحد ماشي في مشاكله حيران
طعمي مر علقم صار في عصركم لبان
وشغلي في زمانكم منتهى الإجرام
وأقلك وانا يعني مش من بني الأنسان
تقلي اصلك على طول مبتسم راضي وفرحان
فبدوقك طعم الحرمان
عشان ضحكتك تبقى أعلى كتير من زمان
وقلبك صافي كمان وكمان
وايه أحلى من دموع تروي القلب العطشان
ودرس يعلمه أن لولا الحزن ازاي يعيش الانسان
.jpg)
0 التعليقات:
إرسال تعليق